आफै फसिने डरले प्रचण्डले अख्तियारको नियुक्ति रोके : शंकर पोखरेल

नेपाल समाचार राजनीति

लुम्विनी मुख्यमन्त्री शंकर पोखरेलले प्रचण्डका कारण संवैधानिक निकायमा नियुक्ति हुन नसकेको बताएका छन् । बुटवलमा मंगलबार युवासंघ नेपालको अगुवा कार्यकर्ता भेलालाई सम्बोधन गदै नेकपा ओली पक्षका लुम्विनी इन्चार्ज समेत रहेका पोखरेलले कारवाहीमा परिने डरले प्रचण्डले अख्तियारलगायतका संवैधानिक निकायमा नियुक्ति गर्न नदिएको आरोप लगाए ।

‘अख्तियार खाली राख्ने प्रचण्डको नियत प्रधानमन्त्रीले चकनाचुर पार्नुभएकोछ र अब अख्तियार पूर्णरुपमा क्रियाशील हुनेछ’ उनले दाबी गरे ।
नेपालको गुमेका भूभाग समेटेर चुच्चे नक्सा सार्वजनिक भएपछि प्रधानमन्त्रीमाथि घेराबन्दी गरिएको पोखरेलको भनाइ छ ।

Advertisement:

आजको संकट त्यही चुच्चे नक्साका कारण आएकाले प्रधानमन्त्रीको पक्षमा उभिनु नै राष्ट्रियताको पक्षमा उभिनुभएको पोखरेलले उल्लेख गरेका छन् ।
कार्यक्रममा अर्का नेता महेश बस्नेतले प्रचण्ड माधव नेपालसहितका केही नेताले पदको स्वार्थले पार्टी तहसनहस बनाएको आरोप लगाए ।