एक महिनापछि वुहानमा भेटिए कोरोना संक्रमित

विश्व समाचार स्वास्थ्य

एजेन्सी । विश्वव्यापी महामारी बनेको कोरोना भाइरस (कोभिड १९) को उद्गमस्थल चीनको वुहानमा एक महिनापछि कोरोना संक्रमित भेटिएको छ । शनिबार नयाँ संक्रमित भेटिएको बेलायती समाचार संस्था रोयटर्सले जनाएको छ ।

वुहानमा मे ३ तारिखयता कोरोना भाइरसका नयाँ संक्रमित देखिएका थिएनन् । विश्वमै पहिलो कोरोना भाइरस संक्रमितका रुपमा गत डिसेम्बरमा वुहानमा बिरामी भेटिएका थिए ।

चीनको नेशनल हेल्थ कमिसनका अनुसार शनिबार देशभर १४ जना नयाँ संक्रमित भेटिएका छन् । शुक्रबार एक जना मात्र नयाँ संक्रमित भेटिएका थिए ।

नेशनल हेल्थ कमिसनले सुलान शहरमा बुधबार संक्रमण पुष्टि भएकी एक महिलाबाट ती व्यक्तिहरुमा संक्रमण फैलिएको र संक्रमित सबैमा कोरोना भाइरस संक्रमणका कुनै लक्षण नदेखिएको जनाएको छ।

चीनमा हालसम्म ८२ हजार ९ सय १ जना संक्रमित भएका छन् । तीमध्ये चार हजार ६ सय ३३ जनाको ज्यान गएको छ ।