ओली नेतृत्वको सरकार नै दुई वर्ष टिक्ने अर्थमन्त्री पौडेलको खुलासा

नेपाल समाचार

काठमाडौं, फागुन २०

अर्थमन्त्री एवं नेकपाका महासचिव विष्णु पौडेलले नेकपाका सांसदले कम्युनिष्ट इत्तरको सरकारलाई साथ नदिने विश्वास व्यक्त गर्नुभएको छ । उहाले वर्तमान सरकारले नै बाँकी २ वर्षको कार्यकाल पनि पूरा गर्ने दाबी गर्नुभयो ।

बिहीवार बुटवलमा पत्रकारहरूसँग कुराकानी गर्दै महासचिव पौडेलले केपी शर्मा ओली नेतृत्वको सरकारलाई हटाउन खोज्ने सबै शक्तिहरू पराजित हुने विश्वास समेत व्यक्त गर्नुभयो । ‘प्रचण्ड–नेपालले अँध्यारो कोठामा बसेर कांग्रेस र जनता समाजवादी पार्टीलाई प्रधानमन्त्रीको अफर गर्दैछन्, त्यो सम्भव छैन’, उहाले अगाडी भन्नुभयो, ‘नेकपाका अधिकांश सांसद पार्टी विभाजनको पक्षमा छैनन् । नेकपामा सरकारलाई गिराएर अन्य पार्टीको मतियार बन्न नेकपाका सांसद लाग्छन् जस्तो मलाई लाग्दैन ।’

उहाले राजनीतिक दलकै अन्तिम अधिकार जनता भएकाले जनतामा जानु नै उत्तम विकल्प हुने बताउनु भयो । महासचिव पौडेलले माधवकुमार नेपाल कम्युनिष्ट आन्दोलनलाई बिसर्जन गराउने दिशामा अगाडि बढेको आरोप लगाउनु भयो ।FacebookTwitterFacebook MessengerWhatsAppLinkedInShare