न्युयोर्कमा हुने नेपाल डे परेड बहिस्कार गर्न नेपाल आदिवासी जनजाति महासंघ अमेरिकाको आग्रह

Events NRNA नेपाल समाचार

न्युयोर्कमा हुने नेपाल डे परेड बहिस्कार गर्न नेपाल आदिवासी जनजाति महासंघ अमेरिका फिप्नाले आग्रह गरेको छ । फिप्नाका अध्यक्ष मान बहादुर रानामगरले वक्तब्य जारी गर्दै व्यक्तिको नाममा छुटै कम्पनी दर्ता गरि परेड संचालन गरिएको भन्दै बहिस्कारको आब्हान गरेका हुन् ।

आगामी मे १९, २०१९ आईतबारको दिन न्युयोर्कमा नेपाल डे परेडको आयोजना गरिएको छ । नेपाल आदिवासी जनजाति महासंघ अमेरिका, फिप्नाका सम्पूर्ण सदस्य सस्थाहरु र फिप्नासंग सहकार्य गर्ने सस्थाहरुले छलफल गरी परेड बहिस्कार गर्ने निर्णय गरेको वक्तब्यमा जनाइएको छ ।

अमेरिकामा बसोबास गर्ने नेपालीहरुको पहिचान र गर्वको लागि भन्ने अत्यन्तै भावनात्मक नारा दिएर राष्ट्रको नाममा ब्याक्तिगत स्वार्थको लागि केहि सिमित व्यक्तिहरुले परेड संचालन गर्न लागेको फिप्नाको आरोप छ । परेड बहिस्कार गरी सबै नेपालीहरुको एकता र सहकार्यका साथ निकट भविष्यमै आयोजना गर्ने बिशेष कार्यक्रमको बारेमा बृहत छलफलको लागि तयार रहन फिप्नाका तर्फबाट आब्हान गरिएको छ ।