प्रचण्डलाई अर्को ठुलो धक्का, केन्द्रीय सदस्य थापा ओलीतिर

नेपाल समाचार

काठमाडौं । पार्टी विभाजनसँगै प्रचण्ड–माधव पक्षमा लागेका नेकपा केन्द्रीय सदस्य लिलवहादुर थापा शनिवार पूर्व लडाकुहरुको टिम सहित ओली पक्षमा लागेका छन् ।

पार्टी विभाजनपछि प्रचण्ड पक्षको बैठकमा भाग लिएर केही कार्यक्रममा समेत भाषण गरेका थापा प्रधानमन्त्री निवास बालुवाटार पुगेर ओली पक्षमा खुलेका हुन् ।

देशको अतिक्रमित भूमिको नक्सांकन र फिर्ता ल्याउने प्रक्रिया थालेको तथा विगतमा पनि राष्ट्रियताको पक्षमा ओलीले अडान लिएकोले आफूले प्रचण्डको साथ छाडेर ओलीलाई साथ दिएको थापाले बताए ।

उनले राष्ट्रवादको अडान लिएकोमा बालुवाटारमा पूर्व लडाकुहरुले ओलीलाई सलामी दिएको बताए । बागलुङ जिल्ला विकास समितिका पूर्व सभापति समेत रहेका थापा नेकपा मसाल छाडेर तत्कालिन माओवादीमा प्रवेश गरेका थिए ।