भर्खरै थप १३ जनामा कोरोना पुष्टी , संक्रमितको संख्या १८११ पुग्यो

नेपाल समाचार

काठमाडौँ, १९ जेठ । भर्खरै थप १३ जनामा कोरोना संक्रमण भएसगै नेपालमा संक्रमितको संख्या १८११ पुगेको छ । नेपाल सरकार स्वास्थ्य तथा जनसंख्या मन्त्रालयका अनुसार पाल्पामा २,नवलपरासीमा १,गुल्मी १,कपिलबस्तुमा ७ र रुपन्देहीमा २ गरी थप १३ जना थपिएका हुन् ।

यसअघि एकैदिन २२६ जनामा कोररोना संक्रमण पुष्टी भएको थियो । पछिल्लो समय संक्रमित निरन्तर बढि रहेका छन् ।

लकडाउन खुकुलो बनाईँदै
सरकारले कोरोना रोकथाम तथा नियन्त्रणको लागि गत चैत्र ११ गतेदेखि लकडाउन लगाएको छ । यो लकडाउन यही जेठ ३२ गतेसम्म कायम गरिएको छ ।

लकडाउनका कारण नेपालको अर्थतन्त्रमा ठूलो असर परेको छ । उद्योगी तथा व्यवसायीहरुले पनि लकडाउन खुकुलो पार्न आग्रह गर्दै आएका छन् । तर, सरकारले कोरोनाको जोखिम कायमै रहेकोले तत्काल लकडाउन खुकुलो नबनाउने बताउँदै आएको छ ।

भारत लगायत अन्य देशहरुले विस्तारै लकडाउन खोलिसकेका छन् । कोरोनाबाट अति प्रभावित बनेका देशहरुपनि विस्तारै लकडाउन खोलेर अघि बढिरहेका छन् ।

यही अवस्थालाई मध्यनजर गर्दै उद्योग, वाणिज्य तथा आपूर्तिमन्त्री लेखराज भट्टले आज साँझ बस्ने मन्त्रिपरिषद बैठकमा मन्त्री भट्टले उद्योग, धन्दा र व्यवसाय उच्च सतर्कता अपनाउँदै विस्तारै खोल्न दिनेगरि तयार पारेको प्रस्ताव प्रस्तुत गर्ने बुझिएको छ ।