‘सरकार र पार्टीका कमजोर पक्षको आलोचना गर्नुहोस्’

नेपाल समाचार

काठमाडौं । परराष्ट्रमन्त्री प्रदीपकुमार ज्ञवालीले सरकारका नराम्रो कामको आलोचना गर्न लेखकलाई आग्रह गरेका छन् । शुक्रबार प्रगतिशील लेखक संघको ११ औँ राष्ट्रिय सम्मेलनको उद्घाटन गर्दै उनले लेखकलाई सरकारको राम्रो कामको प्रशंसा र नराम्रो कामको आलोचना गर्न आग्रह गरेका हुन् । 

“पार्टी र सरकारभित्रका कमजोर कुरालाई कलम तिखारेर लेख्नुहोस्”, उनले भने, “हामी लेखकले लेखेका कुरालाई आत्मसात् गर्दै भएका कमजोरी हटाउने छौं ।” दल नजिक हुनु वा नहुनु लेखकको कुनै सम्बन्ध नभएको स्पष्ट पार्दै उनले प्रगतिशील लेखकले सरकारलाई सही दृष्टिकोण दिने खालका लेख लेख्नुपर्ने बताए । 

मन्त्री ज्ञवालीले मुलुकमा राजनीतिक रुपान्तरण गर्न लेखकको महत्वपूर्ण भूमिका रहेको उल्लेख गर्दै अब सांस्कृतिक रुपान्तरणमा ध्यान दिनुपर्ने बताए । उनले सांस्कृतिक रुपान्तरणका नाममा विचार, सिद्धान्तमाथि विभिन्न पक्षबाट हमला हुन थालेको भन्दै प्रगतिशील लेखक संघले त्यस्ता हमलामाथि धावा बोल्नुपर्ने बताए । 

“सांस्कृति रुपान्तरणका नाममा केहीले आफ्ना विचार र सिद्धान्त लाद्न खोजेको छन्” उनले भने, “यो वामपन्थी हमला नभएर समग्रमाथिको हमला हो । यस्ता खालका हमलालाई लेखकले आफ्ना लेखबाट प्रतिकार गर्नुपर्दछ ।” उनले मुलुक नयाँ रुपान्तरणको बाटोमा रहेकाले सरकारले जनताका सेवा प्रवाहमा चुस्तता ल्याउने थालेको बताए । 

सांस्कृतिक रुपान्तरणको सोचजस्तो नभएकाले त्यसको अगुवा गर्न लेखकलाई आग्रह गरे । “सामाजिक रुपान्तरण सोचेजस्ता भएको छैन । सामाजिक रुपान्तरणका लागि माथिका संरचना बनाए पनि तलका आधारभूत संरचना नबन्दा समस्या छ”, उनले भने, “सामाजिक रुपान्तरणका लागि अब तलका संरचना बलियो बनाउनु पर्दछ ।” मन्त्री ज्ञवालीले राणा शासन, पञ्चायत र राजतन्त्र फाले पनि जनताका समृद्धि ल्याउने खालका कार्यक्रम सरकारले ल्याएको जानकारी गराए ।

जनसांस्कृति महासङ्घ नेपालका अध्यक्ष सरल kamagra europa सहयात्री, नेपाली लेखक संघका अध्यक्ष श्रवण मुकारुङलगायतले सम्मेलनको शुभकामना दिँदै नेपालको प्रगतिशील आन्दोलनलाई एकताबद्ध बनाउनुपर्ने बताए । सम्मेलनमा देभरभरका विभिन्न ५६ जिल्ला शाखाबाट करीब ४५० प्रतिनिधि सहभागी थिए । सम्मेलनमा प्रगतिशील साहित्यिक क्षेत्रका वर्तमान चुनौती र भावीदिशाका बारेमा समेत छलफल भएको प्रलेसका अध्यक्ष मातृका पोखरेलले जानकारी दिए । रासस

Leave a Reply